SASAKALA SITU BAGENDIT

 SASAKALA SITU BAGENDIT

1. Baca sing gemet dina jero hatẽ! 

SASAKALA SITU BAGENDIT

Situ Bagendit tẽh ayana di lembur Bojongsalam, kira-kira lalampahan 6 atawa 7 kilo meter ti kota Garut. Ceuk bẽja mah Situ Bagendit baheulana kacida legana, aya kana saratus bauna. Tapi ayeuna mah nilik sarẽatna tangtu kurang ti sakitu.

Ceuk sasakala, Situ Bagendit tẽh asal muasalna ti Nyi Endit randa beunghar, tapi kacida pisan kumedna. Geus teu aya nu bireuk deui kana kakumedanana. Tara aya nu lar sup ka imahna. Éstuning lain bobodoan ẽta mah hirup nyorangan tẽh. Ari beungharna mah tẽtẽla. Upluk-aplak lega sawahna.

Kacaturkeun usum panẽn, Nyi Endit nyadiakeun dahareun keur nu tas digarawẽ, disebutna sidekah gedẽan. Nu tas digarawẽ diondang nya kitu deui Ki Lebẽ tukang ngado’ana diondang, atuh ngariung tẽh nepi ka aya ratusna, tapi sasadiaan teu sabaraha nepi ngan sakotẽap geus bẽrẽs, ting karẽtap kẽnẽh.

Keur meujeuhna balakẽcrakan, solongkrong aya aki-aki bongkok nyampeurkeun, maksudna mẽnta sih piwelas. Ana gantawang tẽh Nyi Endit nyarẽkan lak lak dasar, majarkeun tẽh taya kaẽra teu ngahutang gawẽ mẽnta bagian, aki-aki ditundung dititah nyingkah. Aki-aki indit bari jumarigjeug, bangun teu nangan. Mẽmẽh indit manẽhna ngomong kieu: “Sagala ogẽ boh ka nu hadẽ, boh ka nu gorẽng, tangtu aya wawalesna.”  Ngomongna kitu tẽh ka saksian ku sakur nu aya didinya.

Sumber: Instagram.com/bagenditofficial

Sarẽngsẽna dalahar tuluy amit rẽk baralik. Kakara ogẽ patinglalẽos, rug reg garandẽng sabab aya nu tinggarero: “Caah…., Caah!” cenah. Henteu kanyahoan ti mana datangna cai, ngan leb pakarangan tẽh kakeueum cai. Nyi Endit geus kakeueum, angkleung-angkleungan bari satungtung bisa mah teu welẽh sasambat mẽnta tulung. Teu kungsi lila jep jempẽ, sing horẽng geus tikerelep. Imahna geus teu tẽmbong sumawonna sawahna nu upluk-aplak aya di dasar cai. Lembur sakuriling bungking salin rupa jadi talaga, anu nepi ka ayeuna disebut Talaga Bagendit atawa Situ Bagendit.

Tina Buku Basa Sunda Kaluaran Balai Pendidikan Guru (BPG) 1977

2. Ilo tur regepkeun vidio di handap!

3. Pẽk pigawẽ latihan soal di handap ieu!

https://app.lumi.education/h5p/bahasa-sunda-sasakala-situ-bagendit-uqytr

4. Pẽk pigawẽ soal di handap ieu!

https://forms.gle/ri6HmpMpHXUEExaE9